Joseph Vernet
Collège
Avignon
 

Un pouèmo calendal escri pèr uno famouso avignounenco : Farfantello

Entre Avignoun e Camargo, evoucacioun d’uno fèsto tradiciounalo

samedi 15 décembre 2012

CALÈNDO
Calèndo tourna-mai jito dins lou cèu sin
Li trignoun clar e gai di campano ivernenco
E dins toui li clouquié di glèiso avignounenco
Coume au tèms de Fanot clantisson li refrin.
Iéu sounge qu’eilalin dins la sansouiro esterlo
Uno campano dindo au vièi clouquié santen.
Lis erso de la mar embrisant si cresten
Mandon sus li roucas uno pluejo de perlo.
 Cresès-ti pas, fraire gardian,
Qu’anime de tout segur, la fèsto sarié bello
 S’au car païs di saladello
Quand toumbara l’errour tóuti s’atrouvarian,
 E qu’acò farié gau de vèire
Se, tóutis acampa davans li vièi cafiò,
 Segound la tradicioun di rèire
Au mas de l’Amarèu pausavian cacho-fiò !
Farfantello, escais-noum d’Enrieto DIBON
Fanot : famous dindaire de campano de la glèiso Sant Deidié.
L’Amarèu : mas de Folco de Baroncelli i Sànti Marìo de la Mar.
leva dóu journalet "Les tablettes d’Avignon et de Provence", n°88-89, 18/25 décembre 1926.

 
Collège Joseph Vernet – 34, rue Joseph Vernet - 84000 Avignon – Responsable de publication : MME Catherine MARRET
Dernière mise à jour : jeudi 24 mai 2018 – Tous droits réservés © 2008-2018, Académie d'Aix-Marseille